هيئة التحرير / وكالة سنا الاخبارية
تدرون هذلولي الشباب العراقيين محتجزين صارهم(١١) شهر بسجون السعودية؟
حسين وعلي وعلي وعباس واحمد
تدرون الحكومة العراقية ماتحركت ولو بغير دولة جان الدنيا احتركت علمود مواطنيها ؟!
تدرون امهاتهم وابائهم راح يموتون شوغة على اولادهم وتعطلت دراستهم من العام شهر التاسع ولحد الان ؟
تدرون الخارجية العراقية ماتحركت جدياً علمود حرية الشباب ؟!
تعرفون شنو جريمتهم؟ نشرو منشور تعزية في حادث السيد نصر الله على صفحاتهم الشخصية
ولانهم من عوائل لاحزبية ولا سياسية وشباب مؤدبين وشطار طلاب كليات واساتذة ..لا ارهابية ولا قتلة ((وحتى هذولي طلعتهم الحكومة بالعفو العام))
القلة فقط بذلو جهود وناصروهم والباقين ساكتين ..رغم ان اهلهم طلعو مظاهرة امام وزارة الخارجية بس محد عبرهم ماريد اكول لانهم من مذهب معين بس اكول لانهم ناس بسطاء ..
واجبنا جميعاً جميعاً نشارك ونعمم المنشور نطالب #الحكومة بان ماتتخلى عن مواطنيها وكافي تجاهل لمناشدات اهلهم ..
امهات واباء حتى تمرضو على فراگ اولادهم
اما سفيرة العراق بالسعودية فخطية يمكن فاقدة الذاكرة وماتعرف شنو وظيفتها ..
الارادة الشعبية اقوى قوة لاتقصرون…
المهندس محمد شياع السوداني خاف محد موصلها الك!؟!